Ақмола облысында коммуналдық көрсетілетін қызметтерді ұсыну қағидалары

Ақмола облысы әкiмдiгiнiң

2015 жылғы 01 шiлдедегi

№ А-7/315

қаулысымен бекiтiлдi

Ақмола облысында коммуналдық көрсетiлетiн қызметтердi ұсыну қағидалары

1. Осы Ақмола облысында коммуналдық көрсетiлетiн қызметтердi ұсыну қағидалары (бұдан әрi — Қағидалар) «Тұрғын үй қатынастары туралы»Қазақстан РеспубликасыЗаңының 10-3-бабы, 2-тармағындағы 4-6) тармақшасына сәйкес коммуналдық қызметтер көрсету тәртiбiн мен коммуналдық қызмет көрсету төлемақысын анықтайды.

2. Осы Қағидалары мынадай анықтамалар қолданылады:

коммуналдық қызметтер — тұрғын үйде (тұрғын ғимаратта) көрсетiлетiн және сумен жабдықтауды, кәрiздi, газбен жабдықтауды, электрмен жабдықтауды, жылумен жабдықтауды, қоқысты әкету мен лифт қызметiн көрсетудi қамтитын қызметтер;

Жеткiзушi — меншiк нысанына қарамастан, тұтынушыларға коммуналдық қызметтер көрсететiн жеке тұлға немесе заңды тұлға;

Тұтынушы — коммуналдық қызметтi пайдаланатын азамат, қызмет көрсетудi беру режимi — көрсетiлетiн қызметтiң әрбiр тұрпаты үшiн белгiленген мiндеттi нормалар жүйесi;

энергия берушi ұйым — энергия берудi және (немесе) бөлудi жүзеге асыратын ұйым;

энергиямен жабдықтаушы ұйым — өндiрiлген немесе сатып алынған электр энергиясын, жылу энергиясын, суды тұтынушыларға жеткiзудi (өз бетiмен немесе энергияны берушi ұйыммен жасалған шарт бойынша) және сатуды жүзеге асыратын заңды тұлға;

энергия — электр және жылу энергиясы, электр нарығындатауар болып табылатын су;

ауыз сумен жабдықтау — ауызсуды алуды, дайындауды, сақтауды, тасымалдауды және су тұтынушыларға берудi қамтамасыз ететiн технологиялық процесс;

су бұру — сарқынды суларды жинауды, тасымалдауды, тазартуды және су бұру жүйелерi арқылы су объектiлерiне және (немесе) жер бедерiне бұруды қамтамасыз ететiн iс-шаралардың жиынтығы;

лифт қызметiн көрсету — лифт шаруашылығын диспетчерлеу және оны мақсатына сай пайдалану кезiнде оның жұмысқа қабiлетiн немесе жарамдылығын сүйемелдеу және қалпына келтiру, тосу және сақтау жөнiндегi iс-шаралар кешенi;

лифт шаруашылығы — адамдарды және (немесе) жүктердi кабинамен көтеруге және түсiруге арналған құрылыстық, инженерлiк құрылғылар мен жүйелер кешенi;

қоқысты әкету — коммуналдық қалдықтарды сұрыптауды, жинауды, тасымалдауды, кәдеге жаратуды, қайта өңдеудi, сақтауды, көмудi қамтамасыз ететiн iс-шаралар жиынтығы;

кондоминиум объектiсi — жеке және заңды тұлғалардың, мемлекеттiң дара (бөлек) меншiгiндегi тұрғын және тұрғын емес үй-жайлардан және оларға ортақ үлестiк меншiк құқығымен тиесiлi ортақ мүлiктен тұратын бiртұтас мүлiктiк кешен;

кондоминиум объектiсiн басқару органы — кондоминиум объектiсiн басқару жөнiндегi функцияларды жүзеге асыратын жеке немесе заңды тұлға.

коммуналдық қалдықтар — елдi мекендерде, оның iшiнде адамның тiршiлiк әрекетiнiң нәтижесiнде пайда болатын тұтыну қалдықтары, сондай-ақ құрамы мен пайда болу сипаты бойынша оларға жақын өндiрiстiк қалдықтар.

3. Коммуналдық қызметтердi көрсету Жеткiзушi мен Тұтынушы арасындағы шарттың (бұдан әрi — Шарт) негiзiнде жүргiзiледi.

Тұтынушылар, кондоминиумға қатысушылар кондоминиум объектiсiн басқару органына шарт жасасу жөнiндегi өз құқықтарын заңнамен белгiленген тәртiпте табыстауға құқылы.

4. Коммуналдық қызметтер көрсетудiң тұтынушылық сипаты мен режимi мынадай нормативтiк-техникалық құжаттармен белгiленген талаптарға сәйкес келуi тиiс:

1) жылумен жабдықтау бойынша — жылу беру маусымы бойы тәулiктiк — тұрғын ғимараттардың үй-жайларындағы есептiк ауа параметрлерi, ауа алмасу еселiгiне және температура кестесi;

2) электрмен жабдықтау бойынша — жыл бойы тәулiктiк — сапа параметрлерi;

3) ауыз сумен жабдықтау, ыстық сумен жабдықтау және су бұру бойынша — жыл бойы тәулiктiк — берiлетiн судың құрамы, қасиетi мен ысытылу температурасы бойынша, сондай-ақ есептеу аспаптарына сәйкес судың есептелген шығынына, ал олар болмаған жағдайда орташа тәулiктiк шығын бойынша;

4) лифт қызметiн көрсету бойынша — жыл бойы тәулiктiк негiзiнде — лифтiнi қауiпсiз пайдалануға;

5) қоқысты әкету бойынша — жыл бойы тұрақты түрде.

5. Қызмет көрсету режiмiнен мүмкiн болатын ауытқулар Шартта мiндеттi тәртiппен көзделуi тиiс.

6. Теңгерiмдiк тиесiлiгi мен пайдалану жауапкершiлiгiн бөлу шекарасы Қазақстан Республикасының заңнамаға сәйкес тараптардың теңгерiмдiк тиесiлiгi және пайдалану жауапкершiлiгi актiсi негiзiнде Жеткiзушiмен жасасылған Шартта белгiленедi.

7. Жылу энергиясын тұрмыстық тұтыну үшiн пайдаланатын Тұтынушы мен энерия берушi ұйым арасындағы пайдалану жауапкершiлiгiнiң шекарасы басқару торабының соңғы ысырмасының бiрiншi бөлу фланцы бойынша (элеватор) белгiленедi.

8. Тұтынушы мен энергия берушi ұйым арасындағы кернеуi 1000 Вольтқа дейiнгi электр қондырғыларының жай-күйi мен оларға қызмет көрсету үшiн жауапкершiлiк шекарасы:

1) әуелiк тармақталу кезiнде — ғимаратқа орнатылған бiрiншi оқшаулағыштағы қоректендiрушi желi жалғауының түйiспелерiнде;

2) кабельдi енгiзу кезiнде — ғимаратқа кiрберiстегi қоректендiрушi кабельдiң ұштарындағы бұрандамалы жалғанымдарда белгiленедi.

9. Құрылыстардағы немесе тұтынушының өзге де жылжымайтын объектiлерiндегi электр желiсiнiң теңгерiмдiк тиесiлiгiнiң шекарасындағы қосылыстардың жағдайын бақылауды және пайдалану қызметiн көрсетудi энергия берушi ұйым жүзеге асырады.

10. Жеткiзушi мен ауыз сумен жабдықтау және су бұру желiлерi мен жеке тұрғын үйдiң иесi болып табылатын Тұтынушы арасындағы теңгерiмдiк тиесiлiктi бөлу шекарасы елдi мекеннiң сумен жабдықтау және су бұру жүйесiне қосылатын жердегi құбырға ойып орнату болып табылады.

11. Кондоминиум объектiлерiнде пайдалану жауапкершiлiгiн бөлу шекарасы:

сумен жабдықтау бойынша — ғимаратқа кiретiн су құбырының бiрiншi ысырмасының бөлу фланцы;

су бұру бойынша — елдi мекеннiң су бұру желiлерiне қосылатын жерiндегi құдық болып табылады.

12. Кондоминиум объектiлерiнде теңгерiмдiк тиесiлiгiн бөлу шекарасы:

сумен жабдықтау бойынша — тұрғын үйдiң (тұрғын ғимараттың) сыртқы қабырғасы;

су бұру бойынша — елдi мекеннiң су бұру желiсiндегi құдықпен ұштасқан жерiндегi шығарылым болып табылады.

13. Тараптардың келiсiмi бойынша Шартпен инженерлiк желiлер мен жабдықтардың пайдалану ерекшелiктерiмен негiзделетiн пайдалану жауапкершiлiгiнiң өзге де шекарасы белгiленедi.

14. Үйдегi ортақ инженерлiк желiлерiн, сонымен қатар есептеуiш аспаптарды тиiстi техникалық жағдайда ұстауды, олардың қауiпсiздiгiн энергиямен жабдықтаушы ұйым кондоминиум объектiсiн басқару органымен немесе Тұтынушымен жасасылған жеке шарт негiзiнде жүзеге асырады.

Пәтерлердегi, жеке үйлердегi, электр сымдарының, электр жабдықтарының техникалық жағдайына және пайдаланылуына, сонымен қатар энергияны пайдалану кезiндегi техникалық қауiпсiздiк бойынша жауапкершiлiк Тұтынушыға жүктеледi.

15. Үйдегi ортақ есептеуiш аспаптарды энергия берушi ұйымымен сатып алады және орнатады.

Тұтынушы энергия берушi ұйымның сатып алған және орнатқан есептеуiш аспабы үшiн жұмсаған шығынын Тұтынушымен жасасылған Шарт немесе жеке шарт негiзiнде тариф арқылы өтейдi.

16. Тұтынушылар коммуналдық қызметтердi есепке алу аспаптарын өздiгiмен сатып алады.

Коммуналдық қызметтердi есепке алудың жеке аспаптарын пәтерлерде,баспалдақ торларында, дәлiздерде және жеке үй-жайларда орнатылады.

Коммуналдық қызметтердi есепке алу аспабының сақталуы мен тұтастығына жауапкершiлiк Тұтынушы жаттығады.

17. Қолданыстағы Қазақсан Республикасының заңнамаға сәйкес реттеуге жататын коммуналдық қызметтер ақысын төлеу белгiленген тәртiппен, коммуналдық қызмет көрсетудi есептеу аспаптарының көрсеткiштерi негiзiнде, ал олар болмағанда — жеткiзушiнiң есептеулер негiзiнде табиғи монополия саласындағы уәкiлеттi орган бекiткен тарифтер бойынша жүргiзiледi.

18. Тұтынушы төлемдi есептiк айдан 25 жұлдызынан кешiктiрмей немесе Тұтынушы мен Жеткiзушi арасындағы келiсiм бойынша жеке Шартта ескерiлген мерзiмде жасауы тиiс.

Есептiк кезең бiр айды құрайды.

19. Есепке алу аспаптарының көрсеткiшiн алу мен энергия есептеулерiн жазуды энергиямен жабдықтаушы ұйымдардың өкiлдерi жүргiзедi және пәтерлерге бару кезiнде қызметтiк куәлiктерiн көрсетуге мiндеттi.

20. Тараптардың келiсiмi бойынша Шартпен есепке алу құралдарынан көрсеткiштi алу мен төлем құжаттарын толтыру кезiнде Тұтынушыға өзiне өзi қызмет көрсетуiне жол берiледi. Бұл кезде төлем құжатын жазуды және төлеудi Тұтынушының өзi жүргiзедi. Төлем құжаттарын жазу және төлеу кезiнде Тұтынушының жiберген қателерiн энергиямен жабдықтаушы ұйым талап қою мерзiмi шегiнде олардың анықталу шамасына қарай есепке алады.

21. Тұтынушының кiнәсiнен болмаған есептiң уақытша бұзылуы кезiнде электр энергиясы үшiн есеп айырысу егер шартта электр энергиясының аз саны көрсетiлмесе, алдыңғы есептiк кезеңнiң орта тәулiктiк шығысы бойынша жүргiзiледi.

Электр энергиясының орташа тәулiктiк есептiк кезеңi бiр айдан аспауы тиiс, бұл кезде есеп айырысу есебi толық көлемде қалпына келтiрiлуi керек.

22. Өтiнiш берiлгенде және растайтын құжатты ұсынған кезде пәтерде тұратын адамдар (бiреуiнiң немесе бiрнешеуiнiң) уақытша болмағанда, есепке алу құралдары жоқ болған жағдайда бiр адамға есептелiнетiн қызмет көрсету ақысы олар болмаған уақытында жүргiзiлмейдi.

Төлемдi қайта есептеуге әкелiп соққан барлық өзгерiстер Тұтынушының Жеткiзушiге өтiнiш берген сәтiнен бастап жүзеге асырылады.

23. Есептеу құралдары болмаған жағдайда бiр адамға есептелiнетiн қызмет көрсету төлемдерi тұрушылардың нақты саны бойынша алынады.

24. Тұтынушы жалпы үйлердiң мұқтаждарына жұмсалатын энергия үшiн белгiленген тәртiппен бекiтiлген тариф бойынша, пайдалану жауапкершiлiгi шекарасында орнатылған есептеу құралдары бойынша есеп жүргiзедi.

25. Есепке алу құралдары тараптардың пайдалану жауапкершiлiгiн бөлу шекарасынан тыс жерде орнатылған кезде, бөлу шекарасынан бастап есептеу құралдарын орнату орындарына дейiн желi учаскесiндегi шығындар көрсетiлген желi учаскесi баланста тұрған иесiне Тұтынушыға шарт негiзiнде жатқызылады.

26. Меншiк иелерiнiң келiсiмiмен өзгесi қарастырылмаған болса, лифтiге техникалық қызмет көрсеткенi үшiн жұмсалатын шығын Тұтынушылар арасында олардың ортақ меншiктегi үлесiне шамалас бөлiнедi (1-шi және 2-шi қабаттағы тұрғындардан басқа).

27. Меншiк иелерiнiң келiсiмiмен өзгесi қарастырылмаған болса, үйiшiлiк инженерлiк жүйелердi (желiлер, жабдықтар) күтiп-ұстауға жұмсалатын шығын, сондай-ақ үйдегi ортақ мұқтаждарға жұмсалатын энергия Тұтынушылар арасында олардың ортақ меншiктегi үлесiне шамалас бөлiнедi.

28. Жеткiзушi мен Тұтынушы арасындағы төленбеген қарыздарға байланысты барлық даулы мәселелер Қазақстан Республикасының заңамасымен сәйкес орнатылады.

29. Тұтынушыға:

1) оның өмiрi мен денсаулығы үшiн қауiпсiз, оның мүлкiне зиян келтiрмейтiн белгiленген сапада коммуналдық қызметтер алуға;

2) коммуналдық қызметтерге бағаларды (тарифтердi) бекiту тәртiбi туралы осы көрсеткiштердi бақылауды жүзеге асыратын тиiстi мемлекеттiк органдардан ақпарат алуға;

3) егер Жеткiзушi белгiленген тәртiппен есеп ұсынбаса, алған қызметi үшiн төлем жасамауға;

4) қызмет көрсетудiң жеткiлiксiз салдарынан өмiрiне, денсаулығына немесе мүлкiне келтiрiлген шығындар мен зияндарды толық өтеудi, сондай-ақ моральдық залалды және айыпақы толық өтеудi Жеткiзушiден талап етуге;

5) Шартпен белгiленген артық үзiлiстер уақыты үшiн коммуналдық қызметтер төлемiн жүргiзбеуге;

6) Жеткiзушiге талап қоюға және белгiленген нормалар мен стандарттарға (нормативтiк-техникалық құжаттардың талаптарына) сәйкес келмеген уақыттар кезеңiндегi (Шартта белгiленгеннен артық) қызмет көрсетулерге төлемеуге;

7) дер кезiнде төлем жүргiзген жағдайда өзiне қажеттi мөлшерде коммуналдық қызметтi пайдалануға;

8) бiржақты тәртiппен шартты бұзуға, бұл туралы Жеткiзушiнi хабардар еткен және пайдаланған коммуналдық қызметтерге толық өтемақы төлегенде;

9) Жеткiзушiден олардың инженерлiк желiлер мен жабдықтарды қарау кезiнде жасайтын барлық актiлерiнiң көшiрмелерiн алуға;

10) инженерлiк желiлер мен жабдықтарды тиiстi техникалық жағдайда ұстау жөнiндегi жөндеу және пайдалану жұмыстарын жүзеге асыру үшiн үшiншi тұлғаларды тартуға рұқсат етiледi.

30. Тұтынушы:

1) Жеткiзушiмен жеке шарт жасалады;

2) коммуналдық қызметтердi пайдалану кезiнде техника қауiпсiздiгi талаптарын сақтайды;

3) аварияларды жою, есептеу және бақылау құралдарын қарау үшiн электр жабдықтау, жылу жабдықтау, сумен жабдықтау, канализация қондырғыларымен жұмыс iстеуге құқығы бар Жеткiзушiлердiң немесе арнайы кәсiпорындардың өкiлдерiне мүмкiндiктi қамтамасыз етедi;

4) белгiленген мерзiмде ұсынылған коммуналдық қызмет көрсету дер кезiнде ақы төлейдi;

5) қатты тұрмыстық қалдықтарды бөлек жинау кезiнде қалдықтардың белгiлi бiр түрiне арналған контейнерлерге қоймалауды жүзеге асырайды;

7) үйдiң ортақ мұқтажына пайдаланылатын энергияның ұтымды тұтынылуын қамтамасыз етуi, олардың шығынын болдырмайды;

8) пәтерден, жеке үйден шығу кезiнде пайдаланылған коммуналдық қызметтер үшiн кететiн күнге дейiн есеп айырысады.

31. Жеткiзушiге:

1) ұсынылған коммуналдық қызметтер үшiн дер кезiнде және толық көлемде төлем алуға;

2) энергияның жұмсалуы мен төленуiне бақылауды жүзеге асыруға;

3) заңнамамен белгiленген тәртiппен және шартпен Шарттың орындалуын бiржақты тәртiпте тоқтата тұруға;

4) электрмен жабдықтау, жылумен жабдықтау, сумен жабдықтау бойынша коммуналдық қызметтер көрсетiлетiн үйiшiлiк инженерлiк желiлер мен жабдықтарға техникалық қызмет көрсетуге және үйдегi ортақ есептеу аспаптарын тексерудi ұйымдастыруға рұқсат етiледi.

32. Жеткiзушi:

1) Тұтынушыға коммуналдық қызметтер тарифi, төлем жағдайлары, қызмет көрсетудiң режiмi, олардың тұтынушылық ерекшелiктерi, сертификатының (сертификаттауға жататын қызметтерге қатысты) бар-жоғы туралы ақпарат берiп отырады;

2) Тұтынушымен коммуналдық қызметтер көрсетудi беруге арналған жеке шарт жасайды;

3) Тұтынушыға сапасы бойынша нормативтiк техникалық құжаттарға сәйкес келетiн коммуналдық қызметтер ұсынады;

4) жеткiзiлген қызмет сапасы мен санына есеп жүргiзу және бақылау, Шартта белгiленген мерзiмдерде Тұтынушыға ұсынылатын коммуналдық қызметтер сапасының бұзылуын алдын алу және жою бойынша уақтылы шаралар қабылдайды;

5) Тұтынушы коммуналдық қызмет көрсету сапасының төмендегенi туралы арыз берген күннен бастап үш күн iшiнде сапаны қалпына келтiру және қайта есептеу жөнiндегi барлық шараларды қабылдауы қажет. Қажет болған жағдайда, сондай-ақ Тұтынушының өтiнiшi бойынша бiрлескен акт жасап, көрсетiлетiн қызмет сапасының төмендеу себептерiн анықтау үшiн тексеру жүргiзедi;

6) Тұтынушыға қызмет көрсетудiң сапасы мен оларға төлем мөлшерiнiң өзгергенi туралы 10 күнтiзбелiк күннен кешiктiрмей хабарлайды;

7) Тұтынушыға ай сайын көрсетiлген коммуналдық қызмет үшiн алдағы есептiк ай үшiн шотты (түбiртектi) ұсынады;

8) басқа тұтынушылардың мiндеттемелерiн орындамау себептерi бойынша коммуналдық қызмет алуда Тұтынушыға қызмет көрсетуден бас тартуға немесе шектеуге жол бермеуi қажет.

33. Коммуналдық қызметтер көрсетудiң тоқтатылған уақыты, сондай-ақ сапасының нормативтiк-техникалық құжаттардың талаптарына сәйкес келмеуi туралы және уақытын (күнiн, сағатын) көрсетумен Жеткiзушiнiң диспетчерлiк қызмет журналында кейiннен қажеттi (тиiстi) сапамен қызмет көрсетудi қалпына келтiру уақыты (күнi, сағаты) белгiленуi тиiс.

34. Коммуналдық қызмет көрсетiлмеген, қызмет көрсету тиiстi сапада немесе толық көлемде болмаған жағдайда Тұтынушы бұл туралы Жеткiзушiге Тұтынушының өзi (арызбен) немесе телефонограммамен мiндеттi түрде оның берiлу уақытын, күнiн және берген және оны қабылдаған адамның тегiн көрсету арқылы хабардар етуi тиiс. Телефонограммада: коммуналдық қызмет көрсету сапасының төмендей (болмауының) бастаған уақыты, нашарлау сипаты және Жеткiзушi өкiлiнiң келу қажеттiгi (егер қызмет көрсетудiң нашарлауы немесе оның тоқтатылуы Жеткiзушiнiң журналында тiркелмесе) көрсетiледi.

Тұтынушының өзi келген жағдайда өтiнiш көшiрмесi болуы тиiс, оған келiп түскендiгi туралы тiркеу нөмiрi, өтiнiштiң берiлген күнi және уақыты, оны қабылдаған Жеткiзушi өкiлiнiң қолы қойылады. Жеткiзушi журналдағы қызмет көрсету сапасының өтiнiште (телефонограммада) көрсетiлген нормадан ауытқу (үзiлiсi) белгiлерiн салыстырады және келiспеушiлiк болмаған жағдайда оның нақты тұтылуына сәйкес қызмет көрсету құнын қайта есептейдi.

35. Жеткiзушi коммуналдық қызмет көрсетпегенi немесе төмен сапалы қызмет көрсеткенi туралы фактiнi растаудан бас тартқан жағдайда Тұтынушы:

1) коммуналдық қызмет көрсетуден бас тартуының (ағытып тастау) немесе оның сапасыз жеткiзiлуiнiң басталу уақыты;

2) коммуналдық қызмет көрсету сапасының нашарлау сипаты;

3) өтiнiштiң берiлу уақыты мен тiркеу нөмiрi (Жеткiзушiнiң журналы бойынша);

4) коммуналдық қызмет көрсетудiң қалпына келтiрiлген (оның сапасының қалыпқа келуi) уақыты;

5) коммуналдық қызмет көрсетудiң (сапасы нашарлауының) болмау кезеңiн көрсете отырып, жазбаша өтiнiш жазуға құқылы.

Актiге Тұтынушы, кондоминиум объектiсiн басқару органы немесе екi тәуелсiз куә қол қояды және Жеткiзушiге жiберiледi.

36. Коммуналдық қызмет көрсету кезiнде Тұтынушының жiберген бұзушылықтары Жеткiзушi мен Тұтынушы уәкiлдерiнiң екi жақты актiсiмен екi данада ресiмделiп, оның бiреуi Тұтынушыға тапсырылады.

Акт Тұтынушы қол қоюдан бас тартқан жағдайда да, бiрақ оны Жеткiзушiнiң комиссиясы немесе құрамында кем дегенде үш адамы бар кондоминиум объектiлерiн басқару органдары ресiмдеген жағдайда, күшi бар деп саналады.

37. Акт негiзiнде Жеткiзушi есептелiнбеген энергияның санын анықтайды және Тұтынушыға қосымша төлем сомасы негiзiнде сотқа дейiнгi талапты жiбередi.

Мақалың шыққан күні: 23.12.2016 10:53
Парақтағы соңғы өзгерістер: 23.12.2016 10:53

egov.kz - мемлекеттік қызметтер және ақпарат онлайн

-A A +A